ഷിരൂർ :ഷിരൂരിലെ മണ്ണിടിച്ചിലിൽ കാണാതായ അർജുന്റെ ലോറി കിട്ടി. ലോറിക്കുള്ളിൽ മൃതദേഹം ഉണ്ടായിരുന്നു. ഗംഗവലി പുഴയിൽ 12മീറ്റർ ആഴത്തിൽ നിന്നാണ് ലോറി കണ്ടെത്തിയത്.ജൂലൈ 16നാണ് അര്ജുനെ കാണാതായത്.
സിപി2 കേന്ദ്രീകരിച്ച് നടത്തിയ തിരച്ചിലിലാണ് ലോറി കണ്ടെത്തിയത്.അര്ജുന്റെ ബോഡിയും ലോറിയിലുണ്ടെന്ന് ലോറി ഡ്രൈവര് മനാാഫ് പറഞ്ഞു.71 ദിവസങ്ങള്ക്ക് ശേഷമാണ് ലോറി വെള്ളത്തിനിടയില്നിന്ന് കണ്ടെത്തുന്നത്. ലോറിയുടെ മുൻഭാഗം അടങ്ങിയ ക്യാബിനാണ് വെള്ളത്തിനടിയില്നിന്ന് ലഭിച്ചത്.
കാലാവസ്ഥ പ്രതികൂലമായതിനെ തുടര്ന്ന് ഓഗസ്റ്റ് പതിനാറിന് നിർത്തിവെച്ച രക്ഷാപ്രവർത്തനം ഗോവയില് നിന്ന് ഡ്രഡ്ജർ എത്തിച്ചതോടെ കഴിഞ്ഞ ദിവസമാണ് പുനരാരംഭിച്ചത്. മൂന്ന് ഘട്ടങ്ങളിലായിട്ടാണ് പ്രദേശത്ത് തിരച്ചില് നടന്നിരുന്നത്.റിട്ട. മേജര് ജനറല് ഇന്ദ്രബാലന് അടയാളപ്പെടുത്തിയ മേഖലയിലാണ് ഡ്രഡ്ജര് ഉപയോഗിച്ചുള്ള തിരച്ചില് ഇന്ന് നടത്തിയിരുന്നത്. ഐബോഡ് പരിശോധനയില് ജിപിഎസ് സംവിധാനം ഉപയോഗിച്ച് തിട്ടപ്പെടുത്തിയ ഭാഗമാണിത്. നാവികസേനയുടെ സംഘമടക്കമാണ് ദൗത്യത്തിനുണ്ടായിരുന്നത്.
ജൂലായ് 16-ന് രാവിലെ കര്ണാടക-ഗോവ അതിര്ത്തിയിലൂടെ കടന്നുപോകുന്ന പന്വേല്-കന്യാകുമാരി ദേശീയ പാതയിലുണ്ടായ മണ്ണിടിച്ചിലിലാണ് അർജുന് അകപ്പെട്ടത്.