18/7/23
തിരുവനന്തപുരം :ജനനായകന് വിട ചൊല്ലി ആയിരങ്ങൾ. ജഗതിയിലെ പുതുപ്പള്ളി ഹൗസിൽ പൊതുദർശനത്തിന് ശേഷം സെക്രട്ടേറിയറ്റിലെ ദർബാർ ഹാളിൽ പൊതുദർശനം തുടങ്ങി. മുഖ്യമന്ത്രി പിണറായി വിജയൻ, മറ്റ് മന്ത്രിമാർ, സ്പീക്കർ, പ്രതിപക്ഷനേതാവ്, എം എൽ എ മാർ, തുടങ്ങി വൻ ജനക്കൂട്ടം അദ്ദേഹത്തെ കാണാൻ എത്തുന്നു.
രാവിലെ തിരുവനന്തപുരത്ത്മു തിര്ന്ന കോണ്ഗ്രസ് നേതാക്കള് ഉള്പ്പെടെ നിരവധി പേരാണ് തങ്ങളുടെ പ്രിയ നേതാവിനെ അവസാനമായി ഒരു നോക്ക് കാണാൻ വിമാനത്താവളത്തില് എത്തിയത്. വൻ ജനാവലിയുടെ അകമ്പടി യോടെ മൃതദേഹം തിരുവനന്തപുരത്തെ അദ്ദേഹത്തിന്റെ വസതിയായ പുതുപ്പള്ളി ഹൗസിലെത്തിച്ചു.
പുതുപ്പള്ളി ഹൗസിലെ പൊതുദര്ശനത്തിന് ശേഷം ഇന്ന് വൈകിട്ട് സെക്രട്ടേറിയറ്റിലെ ദര്ബാര് ഹാളിലെത്തിച്ച് പൊതുദര്ശനത്തിന് വയ്ക്കും. തുടര്ന്ന്, അദ്ദേഹം തിരുവനന്തപുരത്തുള്ളപ്പോള് പോയിരുന്ന സെക്രട്ടേറിയറ്റിന് സമീപത്തുള്ള സെന്റ് ജോര്ജ് ഓര്ത്തഡോക്സ് കത്തീഡ്രലിലും പൊതുദര്ശനം ഉണ്ടാകും. ശേഷം, കെപിസിസി ആസ്ഥാനമായ ഇന്ദിരാ ഭവനില് പൊതുദര്ശനത്തിന് വയ്ക്കും. രാത്രി തിരുവനന്തപുരത്തെ വസതിയിലേയ്ക്കു തന്നെ മൃതദേഹം കൊണ്ടുപോകും.
ഉമ്മൻചാണ്ടിയുടെ കുടുംബത്തെ സ്വീകരിക്കാൻ പ്രതിപക്ഷ നേതാവ് വി ഡി സതീശൻ ഉള്പ്പെടെയുള്ള നേതാക്കള് വിമാനത്താവളത്തില് എത്തിയിരുന്നു. മൃതദേഹം വഹിച്ചുകൊണ്ടുള്ള വിലാപയാത്രയില് ഉമ്മൻചാണ്ടിയെ കാണാൻ പാതയ്ക്ക് ചുറ്റും ജനങ്ങള് തിക്കി തിരക്കി. പലര്ക്കും കണ്ണീരടക്കാനായില്ല. കേരളത്തിന്റെ വിവിധ ഭാഗങ്ങളില് നിന്ന് കോണ്ഗ്രസ് പ്രവര്ത്തകര് രാവിലെ തന്നെ തലസ്ഥാനത്തെത്തിയിരുന്നു. ഉമ്മന്ചാണ്ടിയുടെ ഓര്മകള് പങ്കുവച്ച് പലരും വിതുമ്ബി. മൃതദേഹം ആദ്യമെത്തിക്കുന്നത് പുതുപ്പള്ളി ഹൗസിലാണെന്നറിഞ്ഞതോടെ പ്രവര്ത്തകരും നേതാക്കളും അവിടേയ്ക്ക് ഒഴുകിയെത്തി. മുൻ കെപിസിസി പ്രസിഡന്റ് വി എം സുധീരനും എ കെ ആന്റണിയും മൃതദേഹം എത്തിക്കുന്നതിന് മുമ്ബ് തന്നെ വസതിയിലെത്തി.
മുൻമന്ത്രി ടി ജോണിന്റെ ബംഗളൂരുവിലെ വസതിയില് ഭൗതികശരീരം പൊതുദര്ശനത്തിന് വച്ച ശേഷമാണ് തിരുവനന്തപുരത്ത് എത്തിച്ചത്. കോണ്ഗ്രസ് അദ്ധ്യക്ഷൻ മല്ലികാര്ജുൻ ഖാര്ഗെ, കോണ്ഗ്രസ് നേതാക്കളായ സോണിയ ഗാന്ധി, രാഹുല് ഗാന്ധി, തമിഴ്നാട് മുഖ്യമന്ത്രി എം കെ സ്റ്റാലിൻ, കര്ണാടക മുഖ്യമന്ത്രി സിദ്ധരാമയ്യ തുടങ്ങിയവര് ബംഗളൂരുവില് അന്തിമോപചാരം അര്പ്പിച്ചു.
നാളെ രാവിലെ ഏഴുമണിയോടെ വിലാപയാത്ര കോട്ടയത്തേയ്ക്ക് പുറപ്പെടും. തിരുനക്കര മൈതാനത്ത് പൊതുദര്ശനത്തിന് വച്ചശേഷം രാത്രിയോടെ പുതുപ്പള്ളിയിലെത്തിക്കും. വ്യാഴാഴ്ച ഉച്ചയ്ക്ക് രണ്ടുമണിക്ക് പുതുപ്പള്ളി പള്ളിയില് വച്ച് സംസ്കാരച്ചടങ്ങുകള് നടക്കും.
ക്യാന്സര് ബാധിതനായി ചികിത്സയില് കഴിഞ്ഞിരുന്ന ഉമ്മന് ചാണ്ടി ഇന്ന് പുലര്ച്ചെ 4.25ഓടെയാണ് അന്തരിച്ചത്. ബംഗളൂരുവിലെ ചിന്മയ ആശുപത്രിയില് വച്ചായിരുന്നു അന്ത്യം. ഉമ്മന് ചാണ്ടിയുടെ നിര്യാണത്തെ തുടര്ന്ന് സംസ്ഥാനത്ത് ഇന്ന് പൊതു അവധിയും രണ്ടുദിവസത്തെ ദുഃഖാചരണവും പ്രഖ്യാപിച്ചിട്ടുണ്ട്.