കൊച്ചി :മൈതാനമാണ് ആത്യന്തികമായ ക്ലാസ്മുറിയെന്ന് ഹൈക്കോടതി.കളിസ്ഥലം ഇല്ലാത്ത സ്കൂളുകൾ അടച്ചു പൂട്ടണമെന്നും ജസ്റ്റിസ് പി.വി. കുഞ്ഞികൃഷ്ണൻ പറഞ്ഞു.
പത്തനംതിട്ട തേവായൂർ ഗവ. എല്.പി.സ്കൂള് ഗ്രൗണ്ടില് വാട്ടർടാങ്ക് നിർമ്മിക്കാനുള്ള ജില്ലാ പഞ്ചായത്തിന്റെ തീരുമാനത്തിനെതിരെ പി.ടി.എ നല്കിയ ഹർജിയിലാണ് കോടതിയുടെ നിരീക്ഷണം.
സ്കൂള്പഠനം ക്ലാസ് മുറിയില് മാത്രം ഒതുങ്ങേണ്ടതല്ലെന്നും കളിസ്ഥലം കുട്ടികളുടെ ശാരീരികവും മാനസികവും വൈകാരികവുമായ വളർച്ചയ്ക്ക് അനിവാര്യമാണെന്നും കോടതി നിരീക്ഷിച്ചു. മൈതാനത്തിന്റെ വിസ്തീർണം കേരള വിദ്യാഭ്യാസച്ചട്ടത്തില് പ്രത്യേകം നിഷ്കർഷിക്കണമെന്നും കോടതി പറഞ്ഞു.