19/9/22
തിരുവനന്തപുരം :ഗവർണറുടെ ആരോപണങ്ങളെ രൂക്ഷഭാഷയിൽ തിരിച്ചടിച്ച് മുഖ്യമന്ത്രി.
ഗവര്ണര്ക്ക് ആര്.എസ്.എസ് വിധേയത്വം ആണെന്നും ബി.ജെ.പിയുടെ അണികള് പറയുന്നതിനെക്കാള് ആര്.എസ്.എസിനെ പുകഴ്ത്തി പറയുന്നത് ഗവര്ണറാണെന്നും പിണറായി പറഞ്ഞു.
വാര്ത്താസമ്മളേനത്തില് മുഖ്യമന്ത്രിക്കെതിരെ ആരോപണമുന്നയിച്ചതിന് പിന്നാലെയാണ് കണ്ണൂരിലെ കോട്ടയം ലോക്കല് കമ്മിറ്റി ഓഫീസ് ഉദ്ഘാടനം ചെയ്ത് നടത്തിയ പ്രസംഗത്തില് മുഖ്യമന്ത്രിയുടെ മറുപടി.
പെട്ടെന്നുണ്ടാകുന്ന വികാരത്തിന് എന്തെങ്കിലും വിളിച്ചുപറയുന്നത് പോലെ കമ്മ്യൂണിസ്റ്റ് പാര്ട്ടിക്കെതിര എന്തെങ്കിലും പറയരുത്. ഗവര്ണര് കമ്മ്യൂണിസ്റ്റ് വിരുദ്ധതയുടെ മൂര്ത്തീഭാവമാകരുത്, രാഷ്ട്രീയമായി എതിര്ക്കാനുള്ള അവസരം മാറ്റി മ്റ്റ് പാര്ട്ടികള്ക്ക് വിട്ടുകൊടുക്കണം. . ആരിഫ് മുഹമ്മദ് ഖാന്റെ വ്യക്തിപരമായ അഭിപ്രായമല്ല ഗവര്ണര് പദവിയില് ഇരുന്ന് പറയേണ്ടത്. കൈയ്യൂക്കുകൊണ്ടാണ് കാര്യങ്ങള് നേടുന്നതെന്ന് പറയുന്ന അദ്ദേഹം ചരിത്രം ഉള്ക്കൊള്ളണം. തങ്ങളാണ് സ്വാതന്ത്ര്യ സമരം നടത്തിയതെന്ന് സ്ഥാപിക്കാനാകുമോ എന്നാണ് ആര്.എസ്.എസ് ശ്രമിക്കുന്നത്.തങ്ങള് ആഗ്രഹിക്കുന്ന കാര്യമേ നടക്കാവു എന്നാണ് ആര്.എസ്.എസ് ആഗ്രഹിക്കുന്നത്. ജര്മ്മനിയുടെ ആഭ്യന്തര ശത്രുക്കള് എന്ന ആശയം കടമെടുത്ത് ആര്.എസ്.എസ് ഇന്ത്യയില് പ്രചരിപ്പിക്കുന്നു. .ആരിഫ് മുഹമ്മദ് ഖാന് വ്യക്തിപരമായ രാഷ്ട്രീയ നിലപാടുകളുണ്ടാകാണം അതിന്റെ ഭാഗമായി വ്യത്യസ്തമായ പാര്ട്ടികള് അദ്ദേഹം പരീക്ഷിച്ചിട്ടുമുണ്ടാകാം. അങ്ങനെയുള്ള ഒരാള് വ്യക്തിപരമായി അഭിപ്രായം പറയുന്നൊരു രീതിയല്ല ഗവര്ണര് പദവിയിലിരുന്ന് പറഞ്ഞാലുണ്ടാകുക. അത് കമ്യൂണിസ്റ്റ് പ്രസ്ഥാനത്തെ ഇകഴ്ത്തി കാണിക്കാന് വല്ലാതെ പാടുപെട്ടുകൊണ്ട് പറയുന്നതാണ്.
കമ്യൂണിസ്റ്റ് പാര്ട്ടി കയ്യൂക്ക് കൊണ്ടാണത്രേ കാര്യങ്ങള് കാണുന്നത്. കേരളത്തിന്റെ ചരിത്രം രാജ്യത്തിന്റെ ചരിത്രം അദ്ദേഹം ഉള്ക്കൊള്ളണം. രാജ്യത്തും സംസ്ഥാനത്തും കമ്യൂണിസ്റ്റ് വേട്ട നടന്നിരുന്നു. വീടുകളില് കയറി അമ്മ പെങ്ങള്മാരെ ആക്രമിക്കുന്ന സ്ഥിതി വരെയുണ്ടായിരുന്നു. മനുഷ്യത്യഹീനമായ ഒട്ടേറെ ആക്രമണങ്ങളാണ് കമ്യൂണിസ്റ്റ് പ്രസ്ഥാനം ഒരു കാലത്ത് കേരളത്തില് അനുഭവിച്ചത്. അത് കഴിഞ്ഞ് 10 വര്ഷം കഴിയും മുന്നേയാണ് 1957 ല് ജനങ്ങള് കമ്യൂണിസ്റ്റ് കാരെ ഞങ്ങള്ക്ക് വേണമെന്ന് പറഞ്ഞ് അധികാരത്തിലേറ്റുന്നത്. ആരിഫ് മുഹമ്മദ് ഖാനെന്ന ഇപ്പോഴത്തെ കമ്യൂണിസ്റ്റ് വിരുദ്ധ പ്രചാകരന് മനസിക്കേണ്ട കാര്യം അതിന്റെ പിന്നിലുള്ള വര്ഷങ്ങളെടുത്താല് അതിനീചമായ വേട്ട കമ്യൂണിസ്റ്റ്കാര് ഇരയായിരുന്നുവെന്നാണ്. പക്ഷേ ആ വേട്ടക്കാര്ക്ക് ഒപ്പമല്ല ജനം നിന്നതെന്ന് മനസിലാക്കണം. വേട്ടക്കാരെയല്ല അന്ന് ജനം അധികാരത്തിലേറ്റിയത്. ഇരകളായ കമ്യൂണിസ്റ്റുകാരെയാണെന്നും പിണറായി പറഞ്ഞു.