പ്രജ്ഞാനന്ദയുടെ അമ്മ നാഗലക്ഷ്മി തന്റെ മകന്റെ അരികിൽ നിൽക്കുന്ന ഹൃദയസ്പർശിയായ ചിത്രം ആണ് ശ്രദ്ധേയമാകുന്നത്. മകൻ മാധ്യമങ്ങൾക്ക് അഭിമുഖം നൽകുമ്പോൾ ഒറ്റയ്ക്കിരുന്ന് സന്തോഷത്തിന്റെ കണ്ണുനീർ തുടയ്ക്കുന്ന നാഗലക്ഷ്മിയെയും കാണാവുന്നതാണ് . തന്റെ അമ്മയോടുള്ള നന്ദി പ്രകടിപ്പിച്ചുകൊണ്ട് പ്രജ്ഞാനന്ദ പറഞ്ഞു, ‘എന്റെ അമ്മ എപ്പോഴും പിന്തുണയ്ക്കുന്നു! കളികൾ തോറ്റതിന് ശേഷവും അമ്മ എന്നെ സമാധാനിപ്പിക്കാൻ ശ്രമിക്കുകയായിരുന്നു. ഇവിടെ നിങ്ങൾക്ക് വേണ്ടി വേരൂന്നാൻ ആരെങ്കിലുമുണ്ടെങ്കിൽ അത് നല്ലതാണ്. എനിക്ക്, എന്റെ അമ്മ വലിയ പിന്തുണയാണ്-എനിക്ക് മാത്രമല്ല, എന്റെ സഹോദരിക്കും നൽകുന്നത് ’.
അതേസമയം, ഫൈനലില് ലോക ഒന്നാം നമ്പര് മാഗ്നസ് കാള്സനുമായാണ് പ്രജ്ഞാനന്ദ മാറ്റുരക്കുക. കാന്ഡിഡേറ്റ് മത്സരത്തിനും താരം യോഗ്യത നേടി. നേട്ടങ്ങളുടെ കൊടുമുടിയിലാണ് ഈ യുവതാരം. തനിക്ക് 18 വയസ്സ് തികഞ്ഞ ദിവസം ലോകകപ്പിലെ രണ്ടാം സീഡ് ഹികാരു നകാമുറയെ പ്രജ്ഞാനന്ദ പരാജയപ്പെടുത്തിയിരുന്നു. ഇപ്പോള് ബോബി ഫിഷറിനും മാഗ്നസ് കാള്സനും ശേഷം കാന്ഡിഡേറ്റ്സ് ടൂര്ണമെന്റിന് യോഗ്യത നേടുന്ന മൂന്നാമത്തെ ഏറ്റവും പ്രായം കുറഞ്ഞ താരമാവുകയും ചെയ്തിരിക്കുകയാണിവൻ ഇപ്പോൾ.