തിരുവനന്തപുരം സൗത്ത് ഉപജില്ലാ സ്കൂൾ കലോത്സവം 2026-27ന് വർണാഭമായ തുടക്കം. നവംബർ 9 മുതൽ 12 വരെ നടക്കുന്ന കലോത്സവത്തിന്റെ ഉദ്ഘാടന സമ്മേളനം നവംബർ 9ന് രാവിലെ തിരുവനന്തപുരം കോർപ്പറേഷൻ മേയർ ശ്രീ. വി.വി. രാജേഷ് ഉദ്ഘാടനം ചെയ്തു.
തിരുവനന്തപുരം കോർപ്പറേഷൻ കൗൺസിലർ ശ്രീമതി മിനി ആർ അധ്യക്ഷത വഹിച്ച ചടങ്ങിൽ ജനറൽ കൺവീനർ ശ്രീ. സജി എം സ്വാഗതം ആശംസിച്ചു.
കൗൺസിലർ ശ്രീ. ഹരികുമാർ, എ.ഇ.ഒ ശ്രീ. വി. രാജേഷ് ബാബു, ബി.പി.സി ശ്രീമതി സജിത ബീവി, പി.ടി.എ പ്രസിഡന്റ് ഈദുൾ മുബാറക്, വി.എച്ച്.എസ്.ഇ പ്രിൻസിപ്പൽ ശ്രീ. പ്രവീൺ പ്രകാശ് വി, പ്രിൻസിപ്പൽ ശ്രീ. ജയറാം ജെ, വൈസ് പ്രിൻസിപ്പൽ ശ്രീ. ജോസ് പി.ജെ എന്നിവർ ആശംസകൾ അർപ്പിച്ചു.
വിദ്യാർത്ഥികളുടെ കലാപരവും സർഗാത്മകവുമായ കഴിവുകൾ പ്രകടിപ്പിക്കുന്നതിനും പ്രതിഭകൾക്ക് മാറ്റുരയ്ക്കുന്നതിനും വേദിയൊരുക്കുന്ന കലോത്സവത്തിൽ വിവിധ വിദ്യാലയങ്ങളിൽ നിന്നായി നിരവധി വിദ്യാർത്ഥികൾ പങ്കെടുക്കുന്നു.
നവംബർ 9 മുതൽ 12 വരെ വിവിധ വേദികളിലായി നടക്കുന്ന കലോത്സവത്തിൽ നൃത്തം, സംഗീതം, സാഹിത്യം, നാടകം തുടങ്ങി വിവിധ വിഭാഗങ്ങളിലായി നിരവധി മത്സരങ്ങളാണ് അരങ്ങേറുന്നത്. വിദ്യാർത്ഥികളുടെ സർഗാത്മകതയും കലാപ്രതിഭയും വിളിച്ചോതുന്ന കലാമേളയ്ക്ക് മികച്ച പങ്കാളിത്തമാണ് ലഭിക്കുന്നത്.
കലയുടെ വൈവിധ്യവും വിദ്യാർത്ഥികളുടെ പ്രതിഭയും ഒത്തുചേരുന്ന നാല് ദിനങ്ങൾക്കാണ് ഇതോടെ തുടക്കമായത്.