23/5/23
കൊച്ചി :സംസ്ഥാനത്ത് ജൂണ് ഏഴ് മുതല് സ്വകാര്യ ബസുകള് അനിശ്ചിതകാല പണിമുടക്കിലേയ്ക്ക്. വിദ്യാര്ത്ഥികളുടെ ബസ് ചാര്ജ് വര്ദ്ധിപ്പിക്കണമെന്നാവശ്യപ്പെട്ടാണ് പണിമുടക്ക്.
എറണാകുളത്ത് ചേര്ന്ന ബസുടമകളുടെ സംയുക്ത സമരസമിതി യോഗത്തിലാണ് തീരുമാനം. 7500ഓളം ബസുകള് സംഘടനയുടെ കീഴില് സംസ്ഥാനത്ത് സര്വീസ് നടത്തുന്നുണ്ടെന്നും ഇതില് 90 ശതമാനം ബസുകളും പണിമുടക്കിന്റെ ഭാഗമാകുമെന്നും സംയുക്ത സമരസമിതി ഭാരവാഹികള് അറിയിച്ചു.
വിദ്യാര്ത്ഥികളുടെ കണ്സഷൻ ചാര്ജുമായി ബന്ധപ്പെട്ട ജസ്റ്റിസ് രാമചന്ദ്രൻ കമ്മിഷന്റെ റിപ്പോര്ട്ട് നടപ്പാക്കുക, മിനിമം ചാര്ജ് അഞ്ച് രൂപയാക്കുക, ലിമിറ്റഡ് സ്റ്റോപ്പ് ബസുകള് തുടരാൻ അനുവദിക്കുക, നിലവിലെ ബസ് പെര്മിറ്റുകള് നിലനിര്ത്തുക തുടങ്ങിയ ആവശ്യങ്ങളാണ് സംയുക്ത സമരസമിതി മുന്നോട്ടുവയ്ക്കുന്നത്.