മിസോഫോണിയ എന്നത് പ്രത്യേകതരം ശബ്ദങ്ങളോടോ അത്തരം ശബ്ദങ്ങളോടോ ഉള്ള സഹിഷ്ണുത കുറയുന്നതിൻ്റെ ഒരു തകരാറാണ്. ഇത് ഒരു മാറിയ നാഡീവ്യവസ്ഥ അവസ്ഥയാണ്. അതിൽ ദിവസേനയുള്ള ചില പ്രത്യേക ശബ്ദങ്ങൾ( ചവയ്ക്കൽ, പേനയിൽ ക്ലിക്ക് ചെയ്യൽ, ശ്വസിക്കൽ) അമിതമായ കോപം, ഉത്ക്കണ്ഠ, വെറുപ്പ് പോലുള്ള തീവ്രമായ വൈകാരികവും, ശാരിരികവുമായ പ്രതികരണങ്ങൾക്ക് കാരണമാകുന്നു
പതിമൂന്ന് വയസ്സുള്ളപ്പോൾ മുതൽ മിസോഫോണിയ ബാധിച്ചതിനേത്തുടർന്ന് പതിനേഴാം വയസ്സിൽ മിഷേൽ ഡെൽ വാലെ അത്മഹത്യ ചെയ്തു. അവരുടെ ജൻമദിനമായ ജൂലൈ 9 ലോക മിസോ ഫോണിയ ദിനമായി ആചരിക്കപ്പെടുന്നു. ഉച്ചത്തിലുള്ള ശബ്ദങ്ങൾ പലർക്കും അലോരസമുണ്ടാക്കുമെങ്കിലും മിസോഫോണിയ ബാധിതർക്ക് പ്രത്യേകിച്ച്, ശക്തമായ മാനസിക, വൈകാരിക, പെരുമാറ്റ പ്രതികരണങ്ങൾ അനുഭവപ്പെടുന്നു.
ഈ ദിനത്തോടനുബന്ധിച്ച് സമാജത്തെ ബോധവൽക്കരിക്കുക, അത് ഒരു വ്യക്തിയുടെ ദൈനംദിന ജീവിതത്തിൽ ചെലുത്തുന്ന സ്വാധീനത്തെപ്പറ്റി വിവരങ്ങൾ പങ്കിടുക, നമ്മുടെ അനുഭവങ്ങൾ മറ്റുള്ളവരുമായി ശക്തമായി പങ്കിടുക,
പ്രചരിപ്പിക്കുക, തെറ്റിദ്ധാരണകൾ ഗവേഷണങ്ങളിലൂടെ ചെറുക്കുക എന്നീ കാര്യങ്ങൾ അവശ്യം ശ്രദ്ധിക്കേണ്ടതാണ്.
മിസോഫോണിയ സ്ഥിരീകരിക്കുന്നതിന് പ്രത്യേകമായി ക്ലാനിക്കൽ പരിശോധനകൾ ഇല്ല, പകരം ‘ട്രിഗറുകൾ’ തിരിച്ചറിയുന്നതിനും ദൈനംദിന ജീവിതത്തിലെ പ്രത്യാഘാതങ്ങൾ അളക്കുന്നതിനും സ്പെഷ്യലിസ്റ്റുകൾ സ്വയം റിപ്പോർട്ട് ചെയ്യുന്ന ചോദ്യാവലികൾ ഉപയോഗിക്കുന്നു, വിവിധ രീതികൾ ഉപയോഗിക്കുന്നു.
പ്രശ്നങ്ങൾ സങ്കീർണ്ണമായാൽ ഒരു പ്രത്യേക ഓഡിയോളജിസ്റ്റുമായോ, മാനസികാരോഗ്യ വിദഗ്ദ്ധനുമായോ ചർച്ച ചെയ്യുന്നതാണ് ഉചിതം.
*ഡോക്ടർ രഘു
സംസ്ഥാന ഉപാദ്ധ്യക്ഷൻ
ആരോഗ്യഭാരതീ
കേരളം.