മലപ്പുറം :പെരിന്തല്മണ്ണ സ്വദേശിയായ 14കാരന് നിപയെന്ന് സംസ്ഥാനത്ത് നടത്തിയ പരിശോധനയില് സ്ഥിരീകരണം.
സംസ്ഥാനത്ത് നടത്തിയ നിപ പരിശോധനയില് പോസിറ്റീവെന്ന് സ്ഥിരീകരിച്ചതായി ആരോഗ്യമന്ത്രി വീണാ ജോർജ് അറിയിച്ചു. പൂനെ വെെറോളജി ലാബില് നിന്നുള്ള ഫലം വന്നാല് മാത്രമേ അന്തിമ സ്ഥിരീകരണമാകുകയുള്ളൂവെന്നും ആരോഗ്യമന്ത്രി കൂട്ടിച്ചേർത്തു. മലപ്പുറത്ത് കണ്ട്രോള് സെല് പ്രവർത്തനം ആരംഭിച്ചു.
നിലവില് പ്രോട്ടോകോള് പ്രകാരം നടപടികള് സ്വീകരിച്ചിട്ടുണ്ടെന്നും ഫലം വരുന്നതിന് മുൻപ് തന്നെ മുൻ കരുതല് നടപടികള് സ്വീകരിക്കുകയാണെന്നും ആരോഗ്യമന്ത്രി അറിയിച്ചു. ബന്ധുക്കളുടെ ആവശ്യപ്രകാരം കുട്ടിയെ മെഡിക്കല് കോളേജിലേക്ക് മാറ്റും. കോഴിക്കോട് സ്വകാര്യ ആശുപത്രിയില് ചികിത്സയില് കഴിയുകയാണ് പതിനാലുകാരൻ. നിപ വെെറസ് ബാധയുടെ ലക്ഷണം കണ്ടതിനെ തുടർന്ന് ഇന്നലെ പെരിന്തല്മണ്ണയിലെ സ്വകാര്യ ആശുപത്രിയില് നിന്ന് കോഴിക്കോട്ടേക്ക് മാറ്റുകയായിരുന്നു.