എല്ലാ വർഷവും മെയ് 10 ,ലോക ലൂപ്പസ് അഥവാ എസ്. എൽ.ഇ
ദിനമായി ആചരിക്കപ്പെടുന്നു. തിരിച്ചറിയാൻ
പലപ്പോഴും ബുദ്ധിമുട്ടുള്ള ഒരുവിട്ടു മാറാത്ത ഓട്ടോ ഇമ്മ്യൂൺ രോഗമായ ലൂപ്പസിനെ കൂടുതൽ ആളുകൾക്ക് മനസ്സിലാക്കാൻ സഹായിക്കുന്നതിനും, സമയബന്ധിതമായരോഗ നിർണ്ണയത്തിനും, മികച്ച ചികിൽസക്കും, പരിചരണത്തിനുമായി ഈ ദിനം ആചരിക്കപ്പെടുന്നു 2026 ലെ പ്രമേയം “ലൂപ്പസിനെ ദൃശ്യമാക്കുക” എന്നതാണ്. സന്ധികൾ, വൃക്കകൾ, ഹൃദയം, ചർമ്മം തുടങ്ങിയ പലഭാഗങ്ങളേയും ഈ രോഗം ബാധിക്കുന്നതിനാൽ ലൂപ്പസിൻ്റെ അദൃശ്യമായ പ്രത്യാഘാതങ്ങൾ കൂടുതൽ മനസ്സിലാക്കുക എന്നതാണ് ഈ പ്രമേയത്തിൻ്റെ ലക്ഷ്യം.
*രോഗലക്ഷണങ്ങൾ*
രോഗലക്ഷണ
ങ്ങൾ ഓരോ വ്യക്തികളിലും വ്യത്യസ്തമായിരിക്കും
*അധികമായ ക്ഷീണം
* സന്ധികളിൽ നീര്, വേദന
* കവിളിൽ ചിത്രശലഭത്തിൻ്റെ രൂപത്തിലുള്ള പാടുകൾ
* സൂര്യപ്രകാശം കൊണ്ട് വഷളാകുന്ന ശരീരത്തിലെ പാടുകൾ
* കാരണമില്ലാത്ത പനി
* മുടിയുടെ കനം കുറയുന്നു, പൊഴിയുന്നു
* ദീർഘമായി ശ്വസിക്കുമ്പോൾ നെഞ്ചുവേദന
* കാലുകളിലും, കണ്ണിനു ചുറ്റു നീര് അഥവാ വീക്കം
* തലവേദന, ഓർമ്മക്കുറവ്, ആശയക്കുഴപ്പം
*വിളർച്ച, ര ക്താണുക്കളുടെ എണ്ണം കുറയുന്നു
* മൂത്രത്തിൽ രക്തം, പ്രോട്ടീൻ സാന്നിദ്ധ്യം
* വായിലെ അൾസർ
* കഠിനമായ ശ്വാസതടസ്സം, പെട്ടന്നുള്ള ബലഹീനത, അപസ്മാരം
*പരിശോധനകൾ*
* എ എൻ എ ടെസ്റ്റ്
* ആൻ്റി ഡി എസ് ഡി എൻ എ ടെസ്റ്റ്
* ആൻ്റി എസ് എം ടെസ്റ്റ്
* ഇ എസ് ആർ, സി ആർ പി ടെസ്റ്റ്
* മൂത്ര പരിശോധനകൾ
* വൃക്ക, കരൾ പ്രവർത്തന പരിശോധനകൾ
*ചികിൽസ*
എല്ലാ വൈദ്യശാസ്ത്ര ശാഖകളിലും മരുന്നുക ലഭ്യമാണ്, പൂർണ്ണമായി മാറ്റാൻ കഴിയാത്ത അസുഖമായതിനാൽ വളരെ നേരത്തേ തന്നെ രോഗം കണ്ടുപിടിച്ച് ചികിൽസ ലഭ്യമാക്കണം
* മരുന്നുകൾ കൃത്യമായി കഴിക്കണം
* പതിവായി ശരിയായ രീതിയിൽ അസുഖത്തിനനുസരിച്ച് വ്യയാമം ചെയ്യുക
* മദ്യം , മറ്റു ലഹരികൾ,പുകവലി എന്നിവ ഒഴിവാക്കുക
* കൃത്യമായി ഉറങ്ങണം, മാനസിക സമ്മർദ്ദം കുറയ്ക്കുക
* വൃക്കകൾ, ഹൃദയം, ശ്വാസകോശം എന്നിവയുടെ ശരിയായ പ്രവർത്തനം ശ്രദ്ധയിലുണ്ടാകണം.
ഡോക്ടർ രഘു,
സംസ്ഥാന ഉപാദ്ധ്യക്ഷൻ,
ആരോഗ്യഭാരതി.