തിരുവനന്തപുരം : ഏഷ്യാനെറ്റ് ന്യുസിലെ സീനിയര് പ്രോഗ്രാം പ്രൊഡ്യൂസര് ആയിരുന്ന ശോഭാ ശേഖറിന്റെ സ്മരണാര്ത്ഥം വനിതാ മാധ്യമ പ്രവര്ത്തകര്ക്കായി ശോഭാ ശേഖര് മെമ്മോറിയല് ഫാമിലി ട്രസ്റ്റ്, തിരുവനന്തപുരം പ്രസ് ക്ലബിന്റെ സഹകരണത്തോടെ ഏര്പ്പെടുത്തിയ 2023, 2024 വര്ഷങ്ങളിലെ മാധ്യമ പുരസ്കാരങ്ങള് പ്രഖ്യാപിച്ചു.
*2023 ലെ മികച്ച വാര്ത്താധിഷ്ഠിത ടെലിവിഷന് പരിപാടിക്കുള്ള പുരസ്കാരം ഏഷ്യാനെറ്റ് ന്യൂസിലെ രജനി വാര്യര്ക്കാണ്.*
*2024 ലെ പുരസ്കാരം ന്യൂസ് മലയാളം 24 x 7 ലെ ഫൗസിയ മുസ്തഫ നേടി.*
ജേതാക്കള്ക്ക് 25000 രൂപ വീതവും പ്രശസ്തി പത്രവും ഫലകവും ലഭിക്കും.
ഏഷ്യാനെറ്റ് ന്യൂസ് ചാനലില് 2023 മാര്ച്ച് 23ന് സംപ്രേഷണം ചെയ്ത *ഉള്ളുനീറി ഊരുകള്* എന്ന പരിപാടിയാണ് രജനി വാര്യരെ പ്രഥമ ശോഭാ ശേഖര് പുരസ്കാരത്തിന് അര്ഹയാക്കിയത്. ഏഷ്യാനെറ്റ് തിരുവനന്തപുരം ന്യൂസ് ഡെസ്കില് ന്യൂസ് എഡിറ്ററാണ് രജനി .
ന്യൂസ് മലയാളം 24 x 7 ല് 2024 ഡിസംബര് 9 മുതല് 21 വരെ സംപ്രേഷണം ചെയ്ത *മനസ്സ് തകര്ന്നവര് മക്കളെ കൊന്നവര്* എന്ന അന്വേഷണ പരമ്പരയാണ് ന്യൂസ് എഡിറ്ററായ ഫൗസിയ മുസ്തഫക്ക് പുരസ്കാരം നേടിക്കൊടുത്തത്.
മുന് ഡിജിപി ഡോ.ബി സന്ധ്യ, എഴുത്തുകാരനും മുതിര്ന്ന മാധ്യമപ്രവര്ത്തകനുമായ മാങ്ങാട് രത്നാകരന്, സിഡിറ്റ് മുന് ഡയറക്ടറും ചലച്ചിത്ര അക്കാദമി മുന് വൈസ് ചെയര്മാനുമായിരുന്ന ഡോ. ബാബു ഗോപാലകൃഷ്ണന്എന്നിവരടങ്ങിയ ജൂറിയാണ് പുരസ്കാര ജേതാക്കളെ തെരഞ്ഞെടുത്തത്.
രണ്ട്് വര്ഷങ്ങളിലുമായി ലഭിച്ച 40ലധികം എന്ട്രികളില് നിന്നാണ് പുരസ്കാര ജേതാക്കളെ നിര്ണയിച്ചത്. സാമൂഹ്യ പ്രതിബദ്ധത,സ്ത്രീ ശാക്തീകരണം,ശിശു ക്ഷേമം, ഭിന്നശേഷി ക്ഷേമം എന്നിവയിലേതെങ്കിലും പ്രമേയമാക്കി 2023, 2024 വര്ഷങ്ങളില് വനിതകള് സംവിധാനം ചെയ്ത് സംപ്രേഷണം ചെയ്ത പരിപാടിയും ടെലിവിഷന് വാര്ത്താ പരമ്പരകളുമാണ് പുരസ്കാരത്തിന് പരിഗണിച്ചത്.
ആഗസ്റ്റ് അവസാന വാരം പ്രസ് ക്ലബില് നടക്കുന്ന ചടങ്ങില് പുരസ്കാരങ്ങള് വിതരണം ചെയ്യും
പ്രസ് ക്ലബ് പ്രസിഡന്റ് പി ആര് പ്രവീണ്, സെക്രട്ടറി എം രാധാകൃഷ്ണന്, ശോഭാ ശേഖറിന്റെ പിതാവ് വി.സോമശേഖരന് നാടാര്, ജൂറി അംഗങ്ങളായ മാങ്ങാട് രത്നാകരന്,ഡോ. ബാബു ഗോപാലകൃഷ്ണന് എന്നിവര് അവാര്ഡ് പ്രഖ്യാപന വാര്ത്താസമ്മേളനത്തില് പങ്കെടുത്തു.
ശോഭാ ശേഖർ
1980 സെപ്റ്റംബർ 18- ന് തിരുവനന്തപുരത്ത് ജനിച്ചു.
പൂഴിക്കുന്ന് സെൻറ് ആൻറണീസ് എൽ പി എസ്, മലയിൻകീഴ് ഗവ: ഗേൾസ് എന്നിവിടങ്ങളിൽ സ്കൂൾ പഠനം. കരമന എൻ എസ് എസ് വനിതാ കോളേജിൽ നിന്നും ബിരുദം. യഹസ്കൂൾ, കോളേജ് തലത്തിൽ കലാ സാഹിത്യ മത്സരങ്ങളിൽ നിരവധി പുരസ്ക്കാരങ്ങൾ ജിച്ചിട്ടുണ്ട്. രണ്ടു വർഷം സ്കൂൾ ലീഡർ.
വെബ് ലോകം’ എന്ന ഇൻ്റർനെറ്റ് പോർട്ടലിൽ ട്രെയിനിയായി തുടക്കം. ഏഷ്യാനെറ്റ് ചാനലിൽ കാഷ്വൽ കോ- ഓർഡിനേറ്ററായി പ്രവർത്തിച്ചു കൊണ്ട് പ്രസ് ക്ലബ്ബിൽ ജേണലിസം പഠിച്ചു. പി ജി ഡിപ്ലോമ ” പൂർത്തിയാക്കി മംഗളം പത്രത്തിൽ സബ് എഡിറ്ററായി പ്രവർത്തിച്ചു. വീണ്ടും ഏഷ്യാനെറ്റ് ചാനലിൽ പ്രോഗ്രാം കോ ഓർഡിനേറ്ററായി ചേർന്നു. സീനിയർ കോ ഓർഡിനേറ്ററായിരിക്കെ ന്യൂസ് ചാനലിൽ പ്രോഗ്രാം പ്രൊഡ്യൂസർ ആയി. ചലച്ചിത്ര മേഖലയിൽ തിളങ്ങി നിന്ന് പെട്ടെന്ന് അപ്രത്യക്ഷരായ സെലിബ്രിറ്റികളെക്കുറിച്ച് ‘ഞാനിവിടെയുണ്ട്’ എന്ന പേരിൽ ചെയ്ത പരമ്പര ശ്രദ്ധേയമായി. ട്രാൻസ് ജൻഡേഴ്സിനെക്കുറിച്ചുള്ള പരിപാടിയും പ്രേക്ഷക അംഗീകാരം നേടി.
സാമൂഹ്യ പ്രതിബദ്ധതയുള്ള ധാരാളം പ്രോഗ്രാമുകൾ ചെയ്യണമെന്ന മോഹം ബാക്കി വച്ച് 2022 മാർച്ച് 42-ാം വയസ്സിൽ കാൻസർ രോഗത്തോട് പൊരുതി ഇഹലോക വാസം വെടിഞ്ഞു