24/9/22
ഡൽഹി :പോപ്പുലർ ഫ്രണ്ടിനെതിരെ ഗുരുതര ആരോപണവുമായി ഇ ഡി. പ്രധാനമന്ത്രി നരേന്ദ്ര മോഡിയെ വധിക്കാൻ ഗൂഢാലോചന നടത്തിഎന്നതാണ്ആരോപണം.കേരളത്തില് നിന്ന് വ്യാഴാഴ്ച ഇഡി അറസ്റ്റ് ചെയ്ത ഷഫീഖ് പിയുടെ റിമാന്ഡ് റിപ്പോര്ട്ടിലാണ് ഇക്കാര്യം വ്യക്തമാക്കിയിട്ടുള്ളത്.
രാജ്യത്ത് കഴിഞ്ഞ ദിവസങ്ങളില് കേന്ദ്ര സേനയുടെ സഹായത്തോടെ പോപ്പുലര് ഫ്രണ്ട് കേന്ദ്രങ്ങളില് നടന്ന പരിശോധനയില് എന്ഐഎക്ക് ഒപ്പം ഇഡിയും പങ്കാളിയായിരുന്നു. 45 പേരാണ് എന്ഐഎയുടെ കസ്റ്റഡിയിലുള്ളത്. ഇഡി നാല് പേരെയും കസ്റ്റഡിയിലെടുത്തിരുന്നു. ഇവരില് മൂന്ന് പേര് ദില്ലിയില് നിന്നുള്ളയാളും ഒരാള് കേരളത്തില് നിന്നുള്ള ഷഫീഖ് പിയാണ് എന്നയാളുമാണെന്നാണ് വിവരം. 2018 മുതല് ആരംഭിച്ച ഒരു കേസിലാണ് പ്രതികളെ പിടികൂടിയത്. ഇഡി കസ്റ്റഡിയിലുള്ള നാല് പേരുടെയും ഭാഗത്തേക്ക് കൂടുതല് അന്വേഷണം വേണമെന്നാണ് ഇഡി ആവശ്യം. ജൂലൈയില് ബീഹാറിലെ പറ്റ്നയില് വെച്ച് നടന്ന റാലിയില് വെച്ചാണ് പ്രധാനമന്ത്രിയെ വധിക്കാന് ശ്രമിച്ചതെന്നാണ് ഇഡി റിമാന്ഡ് റിപ്പോര്ട്ടില് വ്യക്തമാക്കുന്നത്. യുപിയില് നിന്നുള്ള ചില നേതാക്കളെയും വധിക്കാന് നീക്കം നടന്നുവെന്നും ഇതിനായി പരിശീലനം നല്കിയെന്നും റിപ്പോര്ട്ടിലുണ്ട്.
മലയാളിയായ ഷഫീഖിനെതിരെ ഗുരുതര ആരോപണമാണ് റിമാന്ഡ് റിപ്പോര്ട്ടിലുള്ളത്. ഖത്തറിലെ ഒരു കമ്ബനിയിലായിരുന്നു ഇയാള് ജോലി ചെയ്തിരുന്നത്. ഈ ബന്ധങ്ങള് വഴിയാണ് ഭീകരപ്രവര്ത്തനങ്ങള്ക്കുള്ള പണം സമാഹരിച്ചത്. ആകെ 120 കോടി രൂപ വിദേശത്ത് നിന്നും ഭീകരപ്രവര്ത്തനങ്ങള്ക്ക് വേണ്ടി സമാഹരിച്ചുവെന്നും ഇതിനുള്ള തെളിവുകള് ലഭിച്ചെന്നും ഇഡി റിപ്പോര്ട്ടില് പറയുന്നു.