ഡൽഹി :ഭാരതത്തിന്റെ പതിനഞ്ചാമത് ഉപരാഷ്ട്രപതിയായി തിരഞ്ഞെടുക്കപ്പെട്ട എൻഡിഎ സ്ഥാനാർത്ഥി സിപി രാധാകൃഷ്ണൻ സെപ്റ്റംബർ 12 വെള്ളിയാഴ്ച രാവിലെ 11ന് സത്യപ്രതിജ്ഞ ചെയ്യും.
152 വോട്ടിന്റെ ഭൂരിപക്ഷത്തിൽ 452 വോട്ടുകൾ നേടിയായിരുന്നു സിപി രാധാകൃഷ്ണന്റെ വിജയം. പ്രതിപക്ഷ മുന്നണിക്ക് 300 വോട്ടുകൾ മാത്രമാണ് കിട്ടിയത്. 15 വോട്ടുകൾ അസാധുവായി. പ്രതിപക്ഷ മുന്നണിക്ക് കിട്ടേണ്ടിയിരുന്ന 14 വോട്ടുകൾ സിപി രാധാകൃഷ്ണന് അധികമായി ലഭിച്ചിട്ടുണ്ട്.
ഉപരാഷ്ട്രപതി പദവിയിൽ രണ്ട് വർഷം ബാക്കിനിൽക്കെ ജഗദീപ് ധൻകർ രാജിവച്ചതിനെ തുടർന്നായിരുന്നു ഉപരാഷ്ട്രപതി തിരഞ്ഞെടുപ്പിന് വഴിയൊരുങ്ങിയത്.
സിപി രാധാകൃഷ്ണൻ
നിലവിൽ മഹാരാഷ്ട്ര ഗവർണർ ആണ്. ജാർഖണ്ഡ് തെലുങ്കാന എന്നീ സംസ്ഥാനങ്ങളുടെ ഗവർണർ സ്ഥാനവും വഹിച്ചിട്ടുണ്ട്.