31/1/23
തിരുവനന്തപുരം :ജാതി അതിക്ഷേപത്തിനെതിരെ സമരം നടത്തിയ വിദ്യാർത്ഥികളെയും, സർക്കാരിനെയും, അന്വേഷണകമ്മീഷൻനേയും വിമർശിച്ച്,ശങ്കർമോഹനെ ആവോളം പുകഴ്ത്തിയും അടൂര് ഗോപാലകൃഷ്ണന് കെ ആര് നാരായണന് ഇന്സ്റ്റിറ്റ്യൂട്ട് ചെയര്മാന് സ്ഥാനത്ത് നിന്നും രാജിവച്ചു
ഡയറക്ടര് ശങ്കര്മോഹന്റെ രാജിവെച്ചതിന് പിന്നാലെയാണ് അടൂരും രാജി പ്രഖ്യാപിച്ചത്.
വിദ്യാര്ത്ഥി സമരങ്ങള് സംബന്ധിച്ച് വിവാദങ്ങളില് അതൃപ്തിയറിയിച്ചാണ് അടൂരിന്റെ രാജി വെച്ചത്.ജാതി അധിക്ഷേപം ഉള്പ്പടെ ഉയര്ത്തി ഡയറക്ടര് ശങ്കര് മോഹനെതിരെ നടത്തിയ വിദ്യാര്ത്ഥി സമരത്തില് അടൂരിനെതിരെയും പരാതി ഉയര്ന്നിരുന്നു.
ചെയര്മാനായ അടൂര് ഗോപാലകൃഷ്ണന് ഡയറക്ടര് ശങ്കര് മോഹനെ സംരക്ഷിക്കുന്ന നിലപാടാണ് സ്വീകരിക്കുന്നതെന്നായിരുന്നു ആക്ഷേപം. അടൂരുമായി സഹകരിക്കില്ലെന്നും വിദ്യാര്ത്ഥികള് അറിയിച്ചിരുന്നു.
വിദ്യാര്ത്ഥി സമരത്തിന് പിന്നാലെ സിനിമാമേഖലയില് നിന്നും അടൂരിനെതിരെ വിമര്ശനമുയര്ന്നിരുന്നു. ഇതേ തുടര്ന്നാണ് ശങ്കര് മോഹന്റെ രാജിക്ക് പിന്നാലെയാണ് അടൂരും രാജിവെച്ചത്. അനുനയിപ്പിക്കാന് സര്ക്കാര് ശ്രമിച്ചിരുന്നെങ്കിലും അടൂര് വഴങ്ങിയില്ല.
ഡയറക്ടര് ശങ്കര് മോഹന് ജാതി അധിക്ഷേപം നടത്തിയെന്നതടക്കം ഗുരുതരമായ വിഷയങ്ങള് ഉന്നയിച്ചാണ് കെ.ആര്.നാരായണന് ഇന്സ്റ്റിറ്റ്യൂട്ട് വിദ്യാര്ഥികള് ഒരു മാസത്തിലേറെ സമരം നടത്തിയത്.
സമരം ശക്തമായതോടെ സര്ക്കാര് അന്വേഷണ കമ്മീഷനെ നിയമിച്ചു. ഡയറക്ടര്ക്കെതിരെ വിദ്യാര്ഥികളും ജീവനക്കാരും ഉന്നയിച്ച പരാതി അന്വേഷിച്ച സര്ക്കാര് നിയോഗിച്ച അന്വേഷണ കമ്മിഷന് മുഖ്യമന്ത്രിക്ക് റിപ്പോര്ട്ട് നല്കി.
വിദ്യാര്ഥികളും ജീവനക്കാരും ഉന്നയിച്ച പരാതികളില് കഴമ്പുണ്ടെന്ന്വ്യക്തമാക്കുന്ന റിപ്പോര്ട്ടാണ് മുന് ചീഫ് സെക്രട്ടറി കെ.ജയകുമാര്, മുന് നിയമസഭ സെക്രട്ടറി എന്.കെ.ജയകുമാര് എന്നിവരുടെ രണ്ടംഗ സമിതി സര്ക്കാരിന് നല്കിയത്.
ഇതിന് പിന്നാലെ ഡയറക്ടര് ശങ്കര്മോഹന് രാജിവെച്ചു. ഇതിന് തുടര്ച്ചയായി ചില അധ്യാപകരും രാജിവെച്ചൊഴിഞ്ഞു. ശങ്കര് മോഹന് പിന്തുണ പ്രഖ്യാപിച്ച് ഡീന് ചന്ദ്രമോഹന്, സിനിമോട്ടോഗ്രാഫി അധ്യാപിക ഫൗസിയ, ഓഡിയോ വിഭാഗത്തിലെ വിനോദ്, സിനിമട്ടോഗ്രാഫി വിഭാഗത്തിലെ നന്ദകുമാര്, അസിസ്റ്റന്റ് പ്രൊഫസര് ഡയറക്ഷന് ബാബാനി പ്രമോദി, പ്രൊഡക്ഷന് എക്സിക്യൂട്ടീവ് വിഭാഗത്തിലെ സന്തോഷ്, അഡ്മിനിസ്ട്രേഷന് ഓഫീസര് അനില് കുമാര് എന്നിവരാണ് രാജിവെച്ചത്. ഇതിന് പിന്നാലെയാണ് അടൂരും ചെയര്മാന് സ്ഥാനമൊഴിയുന്നത്.